In le altere messages del drogas io ha tentate dar un description multo
objective. In iste io tentara dar mi opinion personal in iste thema.

On dice que in le culturas mediterran on usa le alcohol multo
temperantemente. Io ha mesmo legite que nos nordeuropeos ha genes que nos
rende plus disponite de abuso de alcoholo. Io suppone que multo de isto ha
su relation al mangiar, le climato, pression social etc.

Ubique io ha legite que immigrantes italian in le Statos Unite solo post
tres generationes accepta le systema american de biber.

Quanto al drogas io los non cognosce. Si le fortia de addiction es multo
plus grande que de tabaco, il es stupide si on permitte illos. Del altere
latere il pote menar a un criminalisation del droga e le relativisation del
leges si on face un interdiction. Suppone que on volerea interdicer le
fumar totalmente! In iste caso certo multo fumatores se sentirea solidar
con le contrabandistas etc.

Si in Svedia le contrabando de cigarrettas es si comprehensive que on vole
dimiuer le taxa alte del cigarrettas pro frenar le contrabando.

Io ha legite que le prohibition in le Statos Unite generava le gangsteres.

Le question es si le _liberales del drogas_ non in le realitate apere le
via al dictatura in isto que un populo abusante drogas essera certo plus
facilmente docibile que un populo qui los non abusa.

Toto depende del grado de addiction. Le sol experientia de isto que io ha
es le quittar de fumar, e isto era difficile, ma facibile.

Fumemente



Kjell [log in to unmask]
Kjell Rehnstroem
Vaenortsgatan 87
S-752 64  UPPSALA
Suedia - Sweden