Dece annos retro io visitava Montenegro e inter altero faceva un excurso al
frontiera de Albania.

Il habeva un village que se appellava Ostroc' (io crede) e on poteva venir
a un monte de ubi on poteva vider Albania. (On solo videva montes, verde
multo abrupte montes. Un fantastic paisage).

In ille tempore on jam poteva sentir le tentiones ibi, le inflation era
tremende - si on recipeva 38.000 dinares pro 100 coronas svedese al
comenciar del septimana on recipeva 41.000 dinares al fin del mesme periodo
- e il habeva inimicitate al albaneses jam in ille annos.

Il habeva etiam voces reconciliante: varie propositiones de schemas pro
cambiar le situation. On poteva leger de isto in le pressa. (Io lege le
serbocroato un poco sed non ha ponite lo al nivello substantial de parlar
lo - pro carentia de tempore e un motivation sufficiente.)

Yugoslavia es un exemplo extreme que in un senso demonstra que le lingua
non sempre es le sol clave a un solution pacific de un conflicto. Io osa
dicer que le differentias inter lo que on appella croato e serbe es minor
que le differentias inter le linguas scandinave (sve, nor, dan).

Il es un situation multo triste. Intellectuales visitava Bosnia-Hercegovina
dicente que ibi omne le nationalitates viveva in pace inter se, e sufficeva
que un banda de criminales disrompeva le calma. Le victimas era
specialmente ille personas qui habeva investite in un vita sin limites
national e ethnic.

Nunc a Kosovo o Kosova como multes dice. Io audiva un intervista con un
inseniatrice de anglese alcun septimana retro. Illa diceva que illa habeva
amicos serbe, ma in le situation hodierne illa non osava contactar los, e
le amicos serbe non osava contactar illa, pro isto que le "compatriotas"
poteva creder que illa o le amicos se indulge in conspirationes
non-conforme al desiros de gruppo ethnic....

Triste.












Kjell [log in to unmask]
Kjell Rehnstroem
Vaenortsgatan 87
S-752 64  UPPSALA
Suedia - Sweden