"In "Confluentes" (Vol. 2, No. 4, julio-septembre
2003), publicate per le Societate American pro
Interlingua, ha apparite le prime septe scenas de mi
curso de conversation in un nove redaction per Stanley
Mulaik.

Le redaction de Stan es excellente, e io spera que
ille continuara su travalio in illo.

Stan presentava le prime septe scenas del curso sub le
titulo "Le bon secretaria".  Ecce su introduction a
illos:

"Harleigh Kyson ha adaptate iste texto a interlingua
usante como un exemplo le 'Practice and Improve your
French' de Chantal Marsden e publicate per Passport
Books.  Illo es un bon exemplo del conversation in
interlingua.  Le texto ha le forma de un scripto de un
programma de radio.  Il es melio si tu lo lege con
alteres qui assume le rolos del varie characteres.
Totevia illo es ancora un historia amusante de
frustrationes in le officio.  Isto es parte de un
serie de lectiones in usar interlingua preparate per
Sr. Kyson."

Si vos non recipe versiones imprimite de "Confluentes"
illes es disponibile al sito del Societate American
pro Interlingua.  Io crede que su adresse electronic
es <http://www.interlingua.us>.

Mi version le plus recente del curso es disponibile in
Wordperfect Jr. a
<http://groups.yahoo.com/groups/romanica4/files>.  Io
activemente incoragia que alteres discarga iste
documentos si illes vole preparar lor proprie
redactiones del curso.

(Io anque spera que nativos de omne le linguas europee
eventualmente preparara versiones del curso in lor
linguas natal.  Tal redactiones del curso, disponibile
in HTML gratis in le Rete, poterea esser un resource
multo utile pro studiar le versiones currente de iste
linguas.)

Io regretta que io mesme nunc non pote continuar le
redaction de mi curso pro publication in le Rete in
HTML, e io spera que alteres trovara iste curso
assatis utile pro continuar iste labor.

Eventualmente (i.e., con le tempore), si io potera, io
va publicar in HTML mi proprie redaction del curso.
Ma le disponibilitate de diverse edition de iste curso
in linguage differente (sia in anglese, sia in
interlingua, sia in le duo linguas in un presentation
bicolumnar) solmente demonstrarea que in omne lingua
vivente il sempre habera diverse manieras de exprimer se.

__________________________________
Do you Yahoo!?
SBC Yahoo! DSL - Now only $29.95 per month!
http://sbc.yahoo.com