Cornee Bibitor ha scripte:
>Io (ego?) legeva le charta pro iste gruppo, e lo dice que nos non debe
>discuter Interlingua hic, ma solo altere subjectos.  Ubi es le gruppo
>pro comenciantes, ubi on pote discuter le lingua e reciper emendation?

INTERLNG servi equalmente a iste proposito, CB. Le message de benvenita a
iste lista dice:

>(...) Le objecto de iste lista es provider un foro pro USAR le
>lingua. Le intention principal non es discussiones SUPER Interlingua
>sed discussiones IN Interlingua super themas varie. Nonobstante, isto
>non vole dicer que tal discussiones super Interlingua sia prohibite.
>(...)

Le objectivo de iste lista es le PRACTICA del lingua. In INTERLNG, es toto
OK demandar que le alteres corrige un texto tue.

Sia benvenite! :^)
~~~

* Le forma recommendate del pronomine personal del prime persona singular
es "io". "Ego" es un forma collateral minus recommendate, mais
acceptabile. "Ego" es plus tosto usate como substantivo in le campos de
philosophia, psychologia, etc.

* Le pronomine neutre de tertie persona singular es "illo". Le forma "lo"
es usate como objecto de verbos:

"Io vide un libro. ILLO es interessante. Io LO compra."

Ensjo.