Ensjo ha inviate me le sequente pro postar a un gruppo de novas. Io ha
postate lo a soc.culture.europe, talk.politics.european-union,
soc.culture.catalan, soc.culture.spain, soc.culture.brazil
>>>>>>>>>>>>>>>>>>>>>>>>>
LUCTA CONTRA RACISMO E XENOPHOBIA
In su reunion a 30 de novembre e 1me de decembre, le Committee pro
Libertates Civil e Affaires Interne habeva un discussion con Beate
WINKLER, Director del Centro de Monitoramento super Racismo e Xenophobia,
basate in Vienna. Sra. Winkler diceva que illa esseva decidite a supportar
e mantener retes pro combatter racismo e xenophobia intra le UE emphatizava
le necessitate de levar le conscientia public super iste thema.
Eurodeputatos adoptava alora un resolution de Michael ELLIOT (PSE, RU)
super racismo, xenophobia e antisemitismo e passos additional pro
combatter discrimination racial assi como un reporto de Arie OSTLANDER
(PPE, NL) super le articulo del Commission "Un Plano de Action contra le
Racismo". Le reunion esseva presidite per Hedy d'ANCONA (PSE, NL).
Debatto annual super racismo e xenophobia -- In le resolution de Sr.
ELLIOTT, le committee incita le statos membros que ancora non lo ha facite
a ratificar le Tractato de Amsterdam intra le prime sex menses de 1999.
Illo tamben advoca le Commission, immediatemente post le entrava in vigor
del Tractato de Amsterdam, a proponer legislation appropriate sur le base
del provisiones super non-discrimination definite in le nove Articulo 13
del Tractato del CE, a fin de prevenir e combatter discrimination in le
campos de racia, origine ethnic o religion, particularmente in le campos
del disoccupation, education, salute, securitate social, habitation e
servicios public e private. Illo incita le institutiones del UE e le
statos membros a assecurar que lor politicas de asylo e de immigration es
libere de tendentias xenophobic, pro assecurar in lege -- e pro allinear
le unes con le alteres -- le derectos del requirentes de asylo e le
immigrantes in le varie statos membros e pro supportar le bon travalio
complite per ONGs local in provider assistentia legal pro requirentes de
asylo e immigrantes e in promover supporto pro lor integration.
Plano de Action contra le Racismo -- Quanto al articulo del Commission "Un
Plano de Action contra le Racismo", le committee argue que le plano contine
pauc propositiones specific con objectivos, chronogramas o financiamentos
correspondente. Illo recommenda que le Commission supporta initiativas
politic e educational pro assister le acceptation de gruppos ethnic
minoritari, includente le romas e le sintis, per le societates del statos
membros. Illo tamben appella pro le remotion de qualcunque obstaculos al
complimento de obligationes religiose que p er se non infringe le derectos
de alteres (le abbordage que illo advoca es illo de un "partenariato", sub
le qual le Plano de Action reunirea tote le interessatos -- citatanos,
autoritates national e local, organizationes non-governamental,
partenarios social, le medios e corpores sportive).
Eurodeputatos tamben appoiava le abbordage de "main streaming" proponite
per le Commission, ma credeva que il esseva essential pro un commissario
haber responsabilitate capital pro mesuras anti-racista. Illes incitava
que le alumnos primari e secundari e le juvenes esseva invitate a
participar in le principal activitates del Commission, particularmente per
le television, per le sito de Internet installate in su servitor EUROPA pro
le Anno Europee Contra le Racismo, e via le premio proponite pro projectos
innovative anti-racista.
Finalmente, le committe appellava le Commission, in rediger regulas legal,
a fac er passos pro assecurar que illos poterea esser de facto utilizate in
practica per le personas affectate; isto includerea assistentia in facer
uso del opportunitates date per le lege (p.ex., per crear corpores
official independente pro dar al personas assistentia legal e financiari
pro defender lor derectos, o per crear o extenderl opportunitates pro
requirer compensation per le cortes civil).
Plus de information: Antnio SOBRINHO -- tel. 284 35 35, e-mail: [log in to unmask]
* * * * * * * * * * * * * * * * * * * * * * * * * * * * * * * * * * * * * * * * * *
* *
Fonte: EP News Report: 02 dec 98
(http://www.europarl.eu.int/dg3/sdp/newsrp/en/n981202.htm). Traducite ab anglese a Interlingua per Emerson J S da COSTA, Brazil.
Pro plus informationes super interlingua visita http://www.interlingua.com
*************
Stan Mulaik
|
