Actualmente quasi nulle sito de novas (CNN, BBC, MSNBC, etc.) es del
toto attingibile proque tote le mundo tenta leger le novas le plus
recente super le attacos terrorista currente in le Statos Unite.

Io tenta postar alcunos del novas le plus recente in Internodio:

http://internodio.cjb.net/

- Martijn

Aeroplanos cade in World Trade Center, Pentagon

Attaccos terrorista in plure locationes in SUA

Ultime novas (11-Sep-2001 16:43)

*       Aeroplano sequestrate in via a Washington DC
*       Un altere aeroplano ha cadite in Pennsylvania

In le attaccos terrorista coordinate probabilemente le plus grave in
le historia recente in le Statos Unite, duo aeroplanos ha cadite in
le centro commercial World Trade Center in New York. In altere
locationes, un helicoptero ha cadite in le Pentagon (ministerio de
defensa), e le Departamento Statal (ministerio de affaires estranier)
combura.

Dece-cinque minutas post le cadita del prime plano, un secunde plano
cadeva in le mesme edificio, ante le oculo del cameras de television
intertanto arrivate, causante le collapso del duo turros del edificio.

Il ancora es incognite qual gruppo ha executate le attaccos, ma le
presidente Bush ha declarate isto un attacco terrorista contra le
pais. Tote le aeroportos in le Statos Unite ha claudite.

Quasi nulle sito de novas in Internet actualmente es attingibile;
CNN, MSNBC, BBC, e mesmo minus grande sitos de novas totes es
supercargate. Tote le mundo tenta leger le novas le plus recente in
internet.