Hodie vermente era le prime ver die de primavera. Nos habeva usque 20
grados in le umbra e le scriptor de iste lineas sedeva sur le "terassa"
extra le appartamento e se gaudeva del sol, legente "Le Shah-in-Shah" de
Ryszard Kapuscinski. Un libro recommendabile. Ille polonese viagiator es
traducite a multe linguas, non solo svedese sed etiam certo anglese. Ille
ha scribite in re Iran e Ethiopia e altere paises de Africa.
Mi inspiration leger le libro era causate de un lectura de illo via le
radio. Del moderne historia de Iran ille face quasi un fabula phantastic in
le qual on sape que omne le citate factos del terribile policia secrete e
le tentativo del monarcha realisar un industrialisation ā la Stalin ma con
un monte de moneta, es correcte.
Durante mi labor como inseniator de svedese io habeva multe contactos con
omne ille juvene iranianos inviate al extero pro studiar.
Deman il ha le Vigilia de Valpurgis (Le valborgsmässoafton o vapunaatto).
Isto es le plus proxime a un carneval que nos attinge in iste pais. Isto es
le vespere ubi nihil es quiete in le centro del citate. Que on non lassa
bicyclos ibi!
Kjell [log in to unmask]
Kjell Rehnstroem
Vaenortsgatan 87
S-752 64 UPPSALA
Suedia - Sweden
