Quando in le 1914 initiava le prime guerra mundial, necuno del contendentes – ben que se tractava del major potentias del mundo – habeva ancora equipate un proprie aviation, ni habeva avantagiosemente studiate le uso tactic e strategic, habeva preparate homines e medios al fin del necessitate, in le presumption que le guerra haberea essite breve e que illo se haberea resolvite con un campania estive de committer al infanterias, si non al sol repartos de assalto.
Quante homines al carnage. Circum Treviso, in plus cemeterios militar, reposa millenas de combattentes del duo campos. 
Un modo como un altere pro facer halto, e totevia un modo que on poterea sparmiar se e sparmiar al alteres. In realitate, quando io visita iste locos de memoria, io prova sentimentos de difficile destription, al qual ben tosto io reage, proque sempre il esseva equal e le homine non ameliora.
Il era le 1999 que Treviso (aeroporto militar de Istrana) era ancora un vice in prime linea como base de levata per le attaccos aeree contra Belgrado e in ille citate le homines faceva le scuto human contra le bombardamentos.
Pro un proposito de traduction:

http://ricerca.repubblica.it/repubblica/archivio/repubblica/1999/04/16/tra-top-gun-di-istrana-siamo-pronti-tocca.html

Tosto (1914/1918) il appareva non plus remote o phantastic le hypothese de colpar le inimico a distantia in su punctos vital, si non de batter le citates cargando le mechanismo del terror in populationes le mentalitate del qual se era formate in un diverse periodo, in un periodo in le qual isto non haberea essite possibile.
Nos de Treviso pote restringer le campo del exemplification, nos pote restar in nostre terreno, proque le stabilisar se del fronte non distante de nostre citate – in le 1917/1918 mesmo a poc kilometros ab Treviso – il faceva que nostre citate experimentava intra le prime citates le offensiva aeree inimic.
Le prime aereoplano inimic que esseva colpate veniva exponite in le scena del Theatro Social a recordo e admonition.
A partir del 1916 trenta-duo incursiones aeree se abatteva sul citate e supra Treviso se jectava a basso 1.526 bombas que distrueva o ledeva 1.440 edificios.
On scribeva ‘. . . sin scupulo, sin pietate, contra omne derecto, contra omne lege de guerra, sovente sin scopos militar’.
Colpar, terrorisar, occider: isto, isto sol. Guerra non plus contra soldatos, non plus contra combattentes, mais contra feminas, contra pueros, contra ancianos; contra le povre humanitate dolorante in le hospitales.
Un evalutation a iste puncto: solmente al 1 novembre 1911 un italiano inaugurava le prime bombardamento aeree, e intra le 1918  a Treviso on se poneva le problema del natura terroristic del guerra aeree.
Iste thema demonstra in qual incoscientia le citatano cummun vive in su societate, como ille conta nihil, heri e hodie.
On continua a facer guerras que on assecura debera esser breve: qualque bombardamento aeree, solmente.


--
Pro leger le archivos e pro modificar o cancellar le subscription:
http://listserv.icors.org/archives/interlng.html